குலசேகரன்பட்டினம் முத்தாரம்மன் கோவில் தசரா திருவிழாவில் நாளை (திங்கட்கிழமை) இரவில் சூரசம்ஹாரம் நடக்கிறது. விழாவையொட்டி கோவிலில் பக்தர்கள் குவிந்தனர்.
தசரா திருவிழா
தூத்துக்குடி மாவட்டம் குலசேகரன்பட்டினம் முத்தாரம்மன் உடனுறை ஞானமூர்த்தீசுவரர் கோவிலில் ஆண்டுதோறும் நடைபெறும் தசரா திருவிழா உலக பிரசித்தி பெற்றது. இந்தியாவில் மைசூருக்கு அடுத்தபடியாக இங்குதான் லட்சக்கணக்கான பக்தர்கள் விரதம் இருந்து பல்வேறு வேடங்களை அணிந்து அம்மனை வழிபடுகின்றனர். நவராத்திரி விழாவே தசரா திருவிழாவாக கொண்டாடப்படுகிறது.
முன்னொரு காலத்தில் தன்னை அவமரியாதை செய்த வரமுனியை எருமை தலையும், மனித உடலும் பெற்று இறைவியால் அழிவாயாக என்று அகத்திய மாமுனிவர் சாபமிட்டார். எருமை தலையும், மனித உடலும் பெற்ற வரமுனி பின்னர் தனது விடாமுயற்சியால் பற்பல வரங்களை பெற்று அசுரனாக மாறி, முனிவர்களை துன்புறுத்தினார். மகிஷாசுரனின் இடையூறுகளை தாங்க இயலாத முனிவர்கள் அன்னையை நோக்கி வேள்வி நடத்தினர். வேள்வியில் தோன்றிய அன்னை பராசக்தி, மகிஷாசுரனை அழிக்க புறப்பட்டார். மகிஷாசுரனை அழித்த 10–ம் நாள் தசரா திருவிழாவாக கொண்டாடப்படுகிறது.
வேடம் அணிந்த பக்தர்கள்
இத்தகைய சிறப்பு வாய்ந்த குலசேகரன்பட்டினம் முத்தாரம்மன் கோவிலில் தசரா திருவிழா கடந்த 1–ந்தேதி காலையில் கொடியேற்றத்துடன் தொடங்கியது. தொடர்ந்து பல்வேறு நாட்கள் விரதம் இருந்த பக்தர்கள் காப்பு கட்டி, பல்வேறு வேடங்களை அணிந்தனர். ஒவ்வொரு ஊரிலும் விரதம் இருந்து வேடம் அணியும் பக்தர்கள், அங்குள்ள கோவில் அருகில் பந்தல் அமைத்து குழுவாக தங்கியிருந்து, அம்மன் புகழ்பாடி வழிபடுகின்றனர்.
மேலும் பக்தர்கள் நேர்த்திக்கடனாக காளி, ராமர், லட்சுமணர், கிருஷ்ணர், பிரம்மன், விஷ்ணு, சிவபெருமான், அனுமார் போன்ற சுவாமிகளின் வேடங்களையும், அரக்கன், கரடி, சிங்கம், புலி, குறவன், குறத்தி உள்ளிட்ட பல்வேறு வேடங்களையும் அணிந்து, ஊர் ஊராக சென்று காணிக்கை வசூலிக்கின்றனர். அதனை 10–ம் திருநாள் இரவில் கோவிலில் செலுத்துவார்கள். தசரா திருவிழாவை முன்னிட்டு கிராமங்கள்தோறும் தசரா குழுவினரின் சார்பில் கரகாட்டம், மேற்கத்திய நடனம் போன்ற கலைநிகழ்ச்சிகளும் நடத்தப்படுகின்றன. இதனால் தூத்துக்குடி, நெல்லை உள்ளிட்ட தென் மாவட்டங்களில் தசரா திருவிழா களைகட்டி உள்ளது.
பக்தர்கள் குவிந்தனர்
விழாவையொட்டி தமிழகத்தின் பல்வேறு பகுதிகளில் இருந்தும், வெளி மாநிலங்கள், வெளிநாடுகளில் இருந்தும் பல ஆயிரக்கணக்கான பக்தர்கள் கோவிலுக்கு வந்த வண்ணம் உள்ளனர்.
ஏராளமான பக்தர்கள் கோவில் வளாகம், கடற்ரை பகுதிகளில் பக்தர்கள் தங்கி உள்ளனர். பக்தர்களுக்கு தேவையான குடிநீர், கழிப்பறை உள்ளிட்ட அடிப்படை வசதிகள் செய்யப்பட்டு உள்ளன. நெல்லை, தூத்துக்குடி, திருச்செந்தூரில் இருந்து குலசேகரன்பட்டினத்துக்கு சிறப்பு பஸ்கள் இயக்கப்படுகின்றன. மாவட்ட போலீஸ் சூப்பிரண்டு அஸ்வின் கோட்னீஷ் மேற்பார்வையில், திருச்செந்தூர் துணை போலீஸ் சூப்பிரண்டு ராமராஜன் தலைமையில் ஏராளமான போலீசார் பாதுகாப்பு பணியில் ஈடுபட்டு உள்ளனர்.
நாளை, சூரசம்ஹாரம்
10–ம் திருநாளான நாளை (திங்கட்கிழமை) காலை 10.30 மணிக்கு சிறப்பு அபிஷேகம் நடக்கிறது. இரவு 11 மணிக்கு சிறப்பு அலங்கார பூஜை நடக்கிறது. இரவு 12 மணிக்கு அம்மன் சிம்ம வாகனத்தில் கடற்கரை சிதம்பரேசுவரர் கோவிலுக்கு முன்பாக எழுந்தருளி, மகிஷாசூரசம்ஹாரம் நடக்கிறது.
11–ம் திருநாளான நாளை மறுநாள் (செவ்வாய்க்கிழமை) அதிகாலை 1 மணிக்கு சூரசம்ஹாரம் முடிந்தவுடன் கடற்கரை மேடைக்கு அம்மன் எழுந்தருளி, அபிஷேக ஆராதனைகள் நடக்கிறது. 2 மணிக்கு அம்மன் சிதம்பரேசுவரர் கோவிலுக்கு எழுந்தருளி, அபிஷேக ஆராதனைகள் நடக்கிறது. 3 மணிக்கு சிதம்பரேசுவரர் கோவில் அபிஷேக மேடையில் அபிஷேக ஆராதனைகள் முடிந்து, அம்மன் திருத்தேரில் பவனி வருகிறார்.
அதிகாலை 5 மணிக்கு சவுந்திரபாண்டிய நாடார்– தங்ககனி அம்மாள் கலையரங்கத்தில் அம்மன் எழுந்தருளி, அபிஷேக ஆராதனைகள் நடக்கிறது. காலை 6 மணிக்கு பூஞ்சப்பரத்தில் அம்பிகை திருவீதி உலா புறப்படுகிறார். மதியம் 12 மணிக்கு பக்தர்களுக்கு அன்னதானம் வழங்கப்படுகிறது. மாலை 5.30 மணிக்கு அம்மன் திருக்கோவில் வந்து சேர்கிறார். மாலை 6 மணிக்கு காப்பு களைதல், இரவு 12 மணிக்கு சேர்க்கை அபிஷேகம் நடக்கிறது.
12–ம் திருநாளான 12–ந்தேதி (புதன்கிழமை) காலையில் அபிஷேக ஆராதனைகள் நடக்கிறது. மதியம் 12 மணிக்கு சிறப்பு பாலாபிஷேகத்துடன் திருவிழா நிறைவு பெறுகிறது. விழா ஏற்பாடுகளை கோவில் தக்காரும், உதவி ஆணையருமான அன்னக்கொடி, இணை ஆணையர் லட்சுமணன், நிர்வாக அதிகாரி ராமசுப்பிரமணியன் மற்றும் கோவில் ஊழியர்கள் செய்து உள்ளனர்.
தசரா திருவிழா
தூத்துக்குடி மாவட்டம் குலசேகரன்பட்டினம் முத்தாரம்மன் உடனுறை ஞானமூர்த்தீசுவரர் கோவிலில் ஆண்டுதோறும் நடைபெறும் தசரா திருவிழா உலக பிரசித்தி பெற்றது. இந்தியாவில் மைசூருக்கு அடுத்தபடியாக இங்குதான் லட்சக்கணக்கான பக்தர்கள் விரதம் இருந்து பல்வேறு வேடங்களை அணிந்து அம்மனை வழிபடுகின்றனர். நவராத்திரி விழாவே தசரா திருவிழாவாக கொண்டாடப்படுகிறது.
முன்னொரு காலத்தில் தன்னை அவமரியாதை செய்த வரமுனியை எருமை தலையும், மனித உடலும் பெற்று இறைவியால் அழிவாயாக என்று அகத்திய மாமுனிவர் சாபமிட்டார். எருமை தலையும், மனித உடலும் பெற்ற வரமுனி பின்னர் தனது விடாமுயற்சியால் பற்பல வரங்களை பெற்று அசுரனாக மாறி, முனிவர்களை துன்புறுத்தினார். மகிஷாசுரனின் இடையூறுகளை தாங்க இயலாத முனிவர்கள் அன்னையை நோக்கி வேள்வி நடத்தினர். வேள்வியில் தோன்றிய அன்னை பராசக்தி, மகிஷாசுரனை அழிக்க புறப்பட்டார். மகிஷாசுரனை அழித்த 10–ம் நாள் தசரா திருவிழாவாக கொண்டாடப்படுகிறது.
வேடம் அணிந்த பக்தர்கள்
இத்தகைய சிறப்பு வாய்ந்த குலசேகரன்பட்டினம் முத்தாரம்மன் கோவிலில் தசரா திருவிழா கடந்த 1–ந்தேதி காலையில் கொடியேற்றத்துடன் தொடங்கியது. தொடர்ந்து பல்வேறு நாட்கள் விரதம் இருந்த பக்தர்கள் காப்பு கட்டி, பல்வேறு வேடங்களை அணிந்தனர். ஒவ்வொரு ஊரிலும் விரதம் இருந்து வேடம் அணியும் பக்தர்கள், அங்குள்ள கோவில் அருகில் பந்தல் அமைத்து குழுவாக தங்கியிருந்து, அம்மன் புகழ்பாடி வழிபடுகின்றனர்.
மேலும் பக்தர்கள் நேர்த்திக்கடனாக காளி, ராமர், லட்சுமணர், கிருஷ்ணர், பிரம்மன், விஷ்ணு, சிவபெருமான், அனுமார் போன்ற சுவாமிகளின் வேடங்களையும், அரக்கன், கரடி, சிங்கம், புலி, குறவன், குறத்தி உள்ளிட்ட பல்வேறு வேடங்களையும் அணிந்து, ஊர் ஊராக சென்று காணிக்கை வசூலிக்கின்றனர். அதனை 10–ம் திருநாள் இரவில் கோவிலில் செலுத்துவார்கள். தசரா திருவிழாவை முன்னிட்டு கிராமங்கள்தோறும் தசரா குழுவினரின் சார்பில் கரகாட்டம், மேற்கத்திய நடனம் போன்ற கலைநிகழ்ச்சிகளும் நடத்தப்படுகின்றன. இதனால் தூத்துக்குடி, நெல்லை உள்ளிட்ட தென் மாவட்டங்களில் தசரா திருவிழா களைகட்டி உள்ளது.
பக்தர்கள் குவிந்தனர்
விழாவையொட்டி தமிழகத்தின் பல்வேறு பகுதிகளில் இருந்தும், வெளி மாநிலங்கள், வெளிநாடுகளில் இருந்தும் பல ஆயிரக்கணக்கான பக்தர்கள் கோவிலுக்கு வந்த வண்ணம் உள்ளனர்.
ஏராளமான பக்தர்கள் கோவில் வளாகம், கடற்ரை பகுதிகளில் பக்தர்கள் தங்கி உள்ளனர். பக்தர்களுக்கு தேவையான குடிநீர், கழிப்பறை உள்ளிட்ட அடிப்படை வசதிகள் செய்யப்பட்டு உள்ளன. நெல்லை, தூத்துக்குடி, திருச்செந்தூரில் இருந்து குலசேகரன்பட்டினத்துக்கு சிறப்பு பஸ்கள் இயக்கப்படுகின்றன. மாவட்ட போலீஸ் சூப்பிரண்டு அஸ்வின் கோட்னீஷ் மேற்பார்வையில், திருச்செந்தூர் துணை போலீஸ் சூப்பிரண்டு ராமராஜன் தலைமையில் ஏராளமான போலீசார் பாதுகாப்பு பணியில் ஈடுபட்டு உள்ளனர்.
நாளை, சூரசம்ஹாரம்
10–ம் திருநாளான நாளை (திங்கட்கிழமை) காலை 10.30 மணிக்கு சிறப்பு அபிஷேகம் நடக்கிறது. இரவு 11 மணிக்கு சிறப்பு அலங்கார பூஜை நடக்கிறது. இரவு 12 மணிக்கு அம்மன் சிம்ம வாகனத்தில் கடற்கரை சிதம்பரேசுவரர் கோவிலுக்கு முன்பாக எழுந்தருளி, மகிஷாசூரசம்ஹாரம் நடக்கிறது.
11–ம் திருநாளான நாளை மறுநாள் (செவ்வாய்க்கிழமை) அதிகாலை 1 மணிக்கு சூரசம்ஹாரம் முடிந்தவுடன் கடற்கரை மேடைக்கு அம்மன் எழுந்தருளி, அபிஷேக ஆராதனைகள் நடக்கிறது. 2 மணிக்கு அம்மன் சிதம்பரேசுவரர் கோவிலுக்கு எழுந்தருளி, அபிஷேக ஆராதனைகள் நடக்கிறது. 3 மணிக்கு சிதம்பரேசுவரர் கோவில் அபிஷேக மேடையில் அபிஷேக ஆராதனைகள் முடிந்து, அம்மன் திருத்தேரில் பவனி வருகிறார்.
அதிகாலை 5 மணிக்கு சவுந்திரபாண்டிய நாடார்– தங்ககனி அம்மாள் கலையரங்கத்தில் அம்மன் எழுந்தருளி, அபிஷேக ஆராதனைகள் நடக்கிறது. காலை 6 மணிக்கு பூஞ்சப்பரத்தில் அம்பிகை திருவீதி உலா புறப்படுகிறார். மதியம் 12 மணிக்கு பக்தர்களுக்கு அன்னதானம் வழங்கப்படுகிறது. மாலை 5.30 மணிக்கு அம்மன் திருக்கோவில் வந்து சேர்கிறார். மாலை 6 மணிக்கு காப்பு களைதல், இரவு 12 மணிக்கு சேர்க்கை அபிஷேகம் நடக்கிறது.
12–ம் திருநாளான 12–ந்தேதி (புதன்கிழமை) காலையில் அபிஷேக ஆராதனைகள் நடக்கிறது. மதியம் 12 மணிக்கு சிறப்பு பாலாபிஷேகத்துடன் திருவிழா நிறைவு பெறுகிறது. விழா ஏற்பாடுகளை கோவில் தக்காரும், உதவி ஆணையருமான அன்னக்கொடி, இணை ஆணையர் லட்சுமணன், நிர்வாக அதிகாரி ராமசுப்பிரமணியன் மற்றும் கோவில் ஊழியர்கள் செய்து உள்ளனர்.
No comments:
Post a Comment