குலசேகரன்பட்டினம் முத்தாரம்மன் கோவில் தசரா 10–ம் நாள் திருவிழா 2018

குலசேகரன்பட்டினம், 

குலசேகரன்பட்டினம் முத்தாரம்மன் கோவில் தசரா திருவிழாவின் சிகர நிகழ்ச்சியான சூரசம்ஹாரம் நாளை (வெள்ளிக்கிழமை) நடக்கிறது.

தசரா திருவிழா 

தூத்துக்குடி மாவட்டம் குலசேகரன்பட்டினம் ஞானமூர்த்தீசுவரர் உடனுறை முத்தாரம்மன் கோவிலில் ஆண்டுதோறும் நடைபெறும் தசரா திருவிழா உலக பிரசித்தி பெற்றது. இந்தியாவில் கர்நாடக மாநிலம் மைசூருக்கு அடுத்தபடியாக, இங்குதான் பல லட்சக்கணக்கான பக்தர்கள் விரதம் இருந்து நேர்த்திக்கடனாக பல்வேறு வேடங்களை அணிந்து, அம்மனை வழிபடுகின்றனர்.

கோவிலில் இந்த ஆண்டு தசரா திருவிழா கடந்த 10–ந் தேதி கொடியேற்றத்துடன் தொடங்கியது. தொடர்ந்து பல்வேறு நாட்கள் விரதம் இருந்த பக்தர்கள் காப்பு அணிந்தனர். ஒவ்வொரு ஊரிலும் விரதம் இருக்கும் பக்தர்கள், அங்குள்ள கோவில் அருகில் தசரா பிறை அமைத்து, அதில் தங்கியிருந்து வழிபட்டு வருகின்றனர். அவர்கள் தினமும் ஒரு வேளை மட்டும் பச்சரிசி உணவு சாப்பிட்டு விரதம் இருந்து வருகின்றனர்.

வேடம் அணிந்த பக்தர்கள் 

விரதம் இருந்து காப்பு அணிந்த பக்தர்கள் நேர்த்திக்கடனாக காளி, சிவன், விஷ்ணு, பிரம்மன், விநாயகர், முருகபெருமான், கிருஷ்ணர், ராமர், லட்சுமணர், சுடலைமாடன், அனுமார் போன்ற பல்வேறு சுவாமிகளின் வேடங்களையும், முனிவர், அரசர், போலீஸ்காரர், செவிலியர், நரிக்குறவர், அரக்கன், சிங்கம், புலி, கரடி உள்ளிட்ட பல்வேறு வேடங்களையும் அணிந்தனர்.

ஒவ்வொரு ஊரிலும் வேடம் அணிந்த பக்தர்கள் குழுக்களாக வாகனங்களில் ஊர் ஊராக சென்று, காணிக்கை வசூலித்து வருகின்றனர். தசரா குழுக்கள் சார்பில் கரகாட்டம், மேற்கத்திய நடனம், பரதநாட்டியம் உள்ளிட்ட கலைநிகழ்ச்சிகளும் நடத்தப்படுகிறது. விரதம் இருந்து காப்பு அணிந்த சில பக்தர்கள் தசரா திருவிழாவின் கடைசி சில நாட்கள் மட்டும் வேடம் அணிந்து, ஊர் ஊராக சென்று காணிக்கை வசூலித்து, கோவிலில் செலுத்துவார்கள். இதனால் தூத்துக்குடி, நெல்லை, கன்னியாகுமரி, விருதுநகர், ராமநாதபுரம் உள்ளிட்ட தென் மாவட்டங்களில் தசரா திருவிழா களைகட்டியது.

நாளை மறுநாள், சூரசம்ஹாரம் 

குலசேகரன்பட்டினம் முத்தாரம்மன் கோவில் தசரா திருவிழாவில் தினமும் இரவில் அம்மன் பல்வேறு வாகனங்களில் பல்வேறு கோலத்தில் எழுந்தருளி, வீதி உலா சென்று பக்தர்களுக்கு அருள்பாலிக்கின்றார். 6–ம் நாளான திங்கள் கிழமை   இரவில் சிம்ம வாகனத்தில் மகிஷாசுரமர்த்தினி கோலத்தில் அம்மன் எழுந்தருளி, வீதி உலா சென்று பக்தர்களுக்கு அருள்பாலித்தார். 7–ம் நாளான செவ்வாய்  இரவில் பூஞ்சப்பரத்தில் ஆனந்த நடராஜர் கோலத்தில் அம்மன் எழுந்தருளி, வீதி உலா சென்று பக்தர்களுக்கு காட்சி அளித்தார்.

10–ம் நாளான நாளை (வெள்ளிக்கிழமை) இரவு 12 மணிக்கு விழாவின் சிகர நிகழ்ச்சியான மகிஷா சூரசம்ஹாரம் நடக்கிறது.விழா ஏற்பாடுகளை கோவில் தக்காரும், உதவி ஆணையருமான ரோஜாலி சுமதா, இணை ஆணையர் பரஞ்ஜோதி, கோவில் செயல் அலுவலர் ராமசுப்பிரமணியன் மற்றும் கோவில் ஊழியர்கள் செய்து வருகின்றனர்

.

குலசை தசரா திருவிழா: 2018

குலசை தசரா திருவிழா:

குலசேகரபட்டினம் முத்தாரம்மன் கோவிலில் இந்த ஆண்டு தசரா திருவிழா வருகிற புரட்டாசி மாதம் 24ம் நாள் (10.10.2018) புதன்கிழமை கொடியேற்றத்துடன் தொடங்குகியது . இதையொட்டி புரட்டாசி மாதம் 23ம் நாள் அக்டோபர் 9ந்தேதி மதியம் 11 மணிக்கு காளி பூஜை, இரவு 9 மணிக்கு காப்பு கட்டுதல் நடைபெற்றது 

கொடியேற்றம்:

முதலாம் திருநாளான அக்டோபர் 10ந் தேதி அதிகாலை 5 மணிக்கு அலங்கரிக்கப்பட்ட யானையில் கொடிப்பட்டம் திருவீதி உலா, காலை 9 மணிக்கு கோவில் வளாகத்தில் கொடியேற்றம் நடைப்பெற்றது . விழா நாட்களில் தினமும் சிறப்பு பூஜைகள், சமய சொற்பொழிவு, பக்தி இன்னிசை, கலைநிகழ்ச்சிகள் நடக்கிறது. இரவில் அன்னை முத்தாரம்மன் பல்வேறு வாகனங்களில் எழுந்தருளி திருவீதி உலா சென்று பக்தர்களுக்கு காட்சி அளிக்கின்றார்.

10/10/2018:

1-ம் திருநாள் இரவில் சிம்ம வாகனத்தில் துர்க்கை திருக்கோலம்

11/10/2018:

2–ம் திருநாள் இரவில் கற்பகவிரிசம் வாகனத்தில் விசுவகர்மேசுவரர் திருக்கோலம்.

12/10/2018:

3–ம் திருநாள் இரவில் ரிஷபம் வாகனத்தில் பார்வதி திருக்கோலம்.

13/10/2018:

4–ம் நாள் இரவில் மயில் வாகனத்தில் பாலசுப்பிரமணியர் திருக்கோலம்.

14/10/2018:

5–ம் திருநாள் இரவில் காமதேனு வாகனத்தில் நவநீதகிருஷ்ணர் திருக்கோலம்.

15/10/2018:

6–ம் திருநாள் இரவில் சிம்ம வாகனத்தில் மகிசாசுரமர்த்தினி திருக்கோலம்.

16/10/2018:

7–ம் திருநாள் இரவில் பூஞ்சப்பரத்தில் ஆனந்த நடராஜர் திருக்கோலம்.

17/10/2018:

8–ம் திருநாள் இரவில் கமல வாகனத்தில் கஜலெட்சுமி திருக்கோலம்.

18/10/2018:

9–ம் திருநாள் சரஸ்வதி பூஜை அன்று இரவில் அன்ன வாகனத்தில் கலைமகள் திருக்கோலம்.

19/10/2018:

(சூரசம்காரம்)
10–ம் திருநாளான ஐப்பசி 2ம் நாள் அக்டோபர் 19ம் தேதி சனிக்கிழமை காலை 10.30 மணிக்கு சிறப்பு அபிஷேகம், இரவு 11 மணிக்கு சிறப்பு அலங்கார பூஜை, நள்ளிரவு 12 மணிக்கு முத்தாரம்மன் சிம்ம வாகனத்தில் கடற்கரை சிதம்பரேசுவரர் கோவிலுக்கு முன்பாக எழுந்தருளி, மகிஷாசுரனை வதம் செய்யும் மகிஷாசூரசம்ஹாரம் நடக்கிறது.

20/10/2018:

11–ம் திருநாள் அதிகாலை 1 மணிக்கு சூரசம்ஹாரம் முடிந்தவுடன் கடற்கரை மேடைக்கு அம்மன் எழுந்தருளி அபிஷேக ஆராதனைகள் நடக்கிறது.
அதிகாலை 2 மணிக்கு சிதம்பரேசுவரர் கோவிலுக்கு அம்மன் எழுந்தருளி அபிஷேக ஆராதனைகள் முடிந்து, அதிகாலை 3 மணிக்கு திருத்தேரில் பவனி வந்து தேர் நிலையம் வந்தடைகிறார்.

பாலாபிஷேகம்:

காலை 6 மணிக்கு பூஞ்சப்பரத்தில் அம்பிகை திருவீதி உலா புறப்படுதல், மாலை 4 மணிக்கு அம்மன் கோவில் வந்து சேர்தல், மாலை 6 மணிக்கு காப்பு களைதல், இரவு 12 மணிக்கு சேர்க்கை அபிஷேகம் நடக்கிறது.

21/10/2018:

12–ம் திருநாளான அக்டோபர் 21ந்தேதி (ஞாயிறுக்கிழமை ) காலையில் அபிஷேக ஆராதனைகள், மதியம் சிறப்பு பாலாபிஷேகத்துடன் திருவிழா நிறைவு பெறுகிறது.

குலசை முத்தாரம்மன் கொடியேற்றம் 1ஆம் திருவிழா 2018 | Kulasai Mutharamman Dasara 2018

முத்தாரம்மன் கோவில் தசரா திருவிழா: 10 ம் திருநாளான இன்று குலசேகரன்பட்டினத்தில் சூரசம்ஹாரம்

குலசேகரன்பட்டினம்,

தூத்துக்குடி மாவட்டம் குலசேகரன்பட்டினம் முத்தாரம்மன் உடனுறை ஞானமூர்த்தீசுவரர் கோவிலில் ஆண்டுதோறும் நடைபெறும் தசரா திருவிழா பிரசித்தி பெற்றதாகும். மைசூருக்கு அடுத்தபடியாக இங்குதான் பல லட்சக்கணக்கான பக்தர்கள் விரதம் இருந்து பல்வேறு வேடங்களை அணிந்து அம்மனை வழிபடுகின்றனர். நவராத்திரி விழாவே இங்கு தசரா திருவிழாவாக கொண்டாடப்படுகிறது.

அகத்திய முனிவரின் சாபத்தால் எருமை தலையும், மனித உடலும் பெற்ற வரமுனி தனது விடாமுயற்சியால் பற்பல வரங்களை பெற்று, மகிஷாசூரனாக மாறி தேவர்களை துன்புறுத்தினார். மகிஷாசூரனின் இடையூறுகளை தாங்க இயலாத தேவர்கள், அன்னையை நோக்கி வேள்வி நடத்தினர். வேள்வியில் இருந்து தோன்றிய அன்னை பராசக்தி, மகிஷாசூரனை அழித்த 10-ம் நாள் தசரா திருவிழாவாக கொண்டாடப்படுகிறது. லட்சக்கணக்கான மக்கள் கூடி கொண்டாடும் இவ்விழா தமிழகத்திலேயே முதலிடத்தை பெறுகிறது.

குலசேகரன்பட்டினம் முத்தாரம்மன் கோவிலில் இந்த ஆண்டு தசரா திருவிழா கடந்த 21-ந் தேதி கொடியேற்றத்துடன் தொடங்கியது. தொடர்ந்து பல்வேறு நாட்கள் விரதம் இருந்த பக்தர்கள் காப்பு அணிந்து, பல்வேறு வேடங்களை அணிந்து அம்மனை வழிபட்டு வருகின்றனர். விழா நாட்களில் தினமும் காலை, மதியம், மாலை, இரவில் சிறப்பு அபிஷேக ஆராதனைகள் நடக்கிறது. மாலையில் சமய சொற்பொழிவு, கலைநிகழ்ச்சிகள் நடக்கிறது.

விழா நாட்களில் தினமும் இரவில் அம்மன் பல்வேறு வாகனங்களில், பல்வேறு கோலங்களில் எழுந்தருளி வீதிஉலா சென்று பக்தர்களுக்கு காட்சி அளிக்கிறார். 7-ம் திருநாளான நேற்று முன்தினம் இரவில் அம்மன் பூஞ்சப்பரத்தில், ஆனந்த நடராஜர் திருக்கோலத்தில் எழுந்தருளி வீதிஉலா சென்று பக்தர்களுக்கு காட்சி அளித்தார்.

 9-ம் திருநாளான நேற்று (வெள்ளிக்கிழமை) அம்மன் அன்ன வாகனத்தில் கலைமகள் திருக்கோலத்தில் எழுந்தருளி, வீதிஉலா சென்று பக்தர்களுக்கு காட்சி அளிக்கின்றார்.

10-ம் திருநாளான இன்று (சனிக்கிழமை) இரவு 12 மணிக்கு அம்மன் சிம்ம வாகனத்தில் கடற்கரை சிதம்பரேசுவரர் கோவிலுக்கு முன்பாக எழுந்தருளி, மகிஷாசூரனை வதம் செய்யும் சூரசம்ஹாரம் நடக்கிறது. 11-ம் திருநாளான நாளை (ஞாயிற்றுக்கிழமை) அதிகாலை 1 மணிக்கு சூரசம்ஹாரம் முடிந்தவுடன் கடற்கரை மேடைக்கு அம்மன் எழுந்தருளி அபிஷேக, ஆராதனைகள் நடைபெறும். அதிகாலை 2 மணிக்கு அம்மன் சிதம்பரேசுவரர் கோவிலுக்கு எழுந்தருளி சாந்தாபிஷேக ஆராதனைகள் நடைபெறும்.

அதிகாலை 3 மணிக்கு அம்மன் சிதம்பரேசுவரர் கோவில் அபிஷேக மேடையில் அபிஷேக ஆராதனைகள் முடிந்து திருத்தேரில் பவனி வந்து பக்தர்களுக்கு அருள்பாலிக்கின்றார். அதிகாலை 5 மணிக்கு சவுந்தரபாண்டிய நாடார்- தங்ககனி அம்மாள் கலையரங்கில் அம்மன் எழுந்தருளி, அபிஷேக ஆராதனைகள் நடைபெறும். காலை 6 மணிக்கு பூஞ்சப்பரத்தில் அம்பிகை வீதிஉலா புறப்படுதல், மாலை 5.30 மணிக்கு அம்மன் கோவில் வந்து சேர்தல், மாலை 6 மணிக்கு காப்பு களைதல், இரவு 12 மணிக்கு சேர்க்கை அபிஷேகம் நடைபெறும்.

வருகிற 2-ந் தேதி (திங்கட்கிழமை) காலை 6 மணி, 8 மணி, 10 மணிக்கு சிறப்பு அபிஷேக ஆராதனைகள், மதியம் 12 மணிக்கு சிறப்பு பாலாபிஷேகத்துடன் திருவிழா நிறைவு பெறுகிறது.

தசரா திருவிழாவையொட்டி, ஒவ்வொரு ஊரிலும் நேர்த்திக்கடனாக பல்வேறு நாட்கள் விரதம் இருந்து, வேடம் அணிந்த பக்தர்கள் காணிக்கை வசூலித்து 10-ம் திருநாளில் கோவிலில் வழங்குவார்கள். விரதம் இருந்த பக்தர்கள் தங்குவதற்காக ஒவ்வொரு ஊரிலும் கோவிலின் அருகில் தசரா குடில் அமைக்கப்பட்டு உள்ளது. அங்கு தங்கியிருந்து விரதம் இருந்து வரும் பக்தர்கள் தினமும் ஒரு வேளை பச்சரிசி உணவு மட்டும் சாப்பிட்டு அம்மனை வழிபட்டு வருகின்றனர்.ஒவ்வொரு ஊரிலும் தசரா குழுவினரின் சார்பில் கரகாட்டம், மேற்கத்திய நடனம் உள்ளிட்ட பல்வேறு கலைநிகழ்ச்சிகளும் நடத்தப்படுகிறது. இதனால் தூத்துக்குடி, நெல்லை உள்ளிட்ட மாவட்டங்களில் தசரா திருவிழா களைகட்டி உள்ளது. தமிழகத்தின் பல்வேறு பகுதிகளில் இருந்தும், வெளி மாநிலங்களில் இருந்தும் குலசேகரன்பட்டினத்துக்கு ஏராளமான பக்தர்கள் வந்து குவிந்த வண்ணம் உள்ளனர்.

விழாவையொட்டி நெல்லை, தூத்துக்குடி, நாகர்கோவில் உள்ளிட்ட பல்வேறு பகுதிகளில் இருந்தும் குலசேகரன்பட்டினத்துக்கு சிறப்பு பஸ்கள் இயக்கப்படுகிறது. 

குலசேகரன்பட்டினம் முத்தாரம்மன் கோவிலில் நாளை                (21-09-2017) வியாழக்கிழமை தசரா திருவிழா தொடங்குகிறது.

காப்பு கட்டுதல்

தென்மாவட்டங்களில் புகழ்பெற்ற கோவில்களில் தூத்துக்குடி மாவட்டம் குலசேகரன்பட்டினம் முத்தாரம்மன் கோவிலும் ஒன்றாகும். இங்கு கொண்டாடப்படும் நவராத்திரி தசரா பெரும் விழா பிரசித்திபெற்றது.

இந்த ஆண்டு திருவிழாவை யொட்டி இன்று (20-10-2017 )புதன்கிழமை  நண்பகலில் காளி பூஜை நடக்கிறது. தொடர்ந்து காளி பக்தர்கள் சார்பில் அன்னதானம் நடக்கிறது. இரவு 7 மணிக்கு மகுட இசை, இரவு 8 மணிக்கு கரகாட்டம், 9 மணிக்கு வில்லிசை நிகழ்ச்சி நடக்கிறது. அதனை தொடர்ந்து அம்மனுக்கு காப்புகட்டும் நிகழ்ச்சி நடைபெறுகிறது.

கொடியேற்றம்

நாளை (வியாழக்கிழமை) காலையில் கொடி ஏற்றம் நடக்கிறது. இதனை முன்னிட்டு அதிகாலை 5 மணிக்கு அலங்கரிக்கப்பட்ட யானையில் கொடிப்பட்டம் வைத்து ஊர்வலமாக எடுத்து வரும் நிகழ்ச்சி நடக்கிறது. தொடர்ந்து காலை 9 மணிக்கு கோவில் முன்பு உள்ள கொடிமரத்தில் கொடியேற்றப்படும். அதன் பின்னர் கொடி மரத்திற்கு பல்வேறு வகையான அபிசேகங்கள், சிறப்பு பூஜைகளுடன் தசரா திருவிழா தொடங்குகிறது.

காலை 10 மணிக்கு சிவலூர் தசரா குழுசார்பில் பல்லாயிரக்கணக்கான பக்தர்களுக்கு அன்னதானம் வழங்கும் நிகழ்ச்சி நடக்கிறது. இதனை கோவில் செயல் அலுவலர் ராமசுப்பிரமணியன் தொடங்கி வைக்கிறார்.

அதனை தொடர்ந்து விரதம் இருந்து வந்த பக்தர்கள் கோவிலுக்கு வந்து, அர்ச்சகர் கையினால் தங்களது வலது கையில் மஞ்சள் கயிற்றிலான காப்பை கட்டிக்கொள்வார்கள். அதன் பின்னர் அவர்கள், தங்களுக்கு பிடித்தமான வேடம் அணிந்து ஊர்ஊராக சென்று அம்மனின் பெயரில் காணிக்கை வாங்குவார்கள். 10–ம் திருநாள் அன்று தாங்கள் வாங்கிய காணிக்கையை கோவிலுக்கு கொண்டு வந்து சேர்ப்பார்கள்.

அம்மன் விதி உலா

தசரா திருவிழா நாட்களில் தினமும் காலை முதல் இரவு வரை அம்மனுக்கு சிறப்பு அபிசேகங்களும், 29–ந்தேதி வரை மதியம் 12 மணிக்கு கோவிலுக்கு வரும் பக்தர்களுக்கு அன்னதானமும் வழங்கப்படும்.

மாலை 4 மணி முதல் சமய சொற்பொழிவு பட்டிமன்றம், இன்னிசை நிகழ்ச்சி போன்ற பல்வேறு நிகழ்ச்சிகள் நடக்கிறது. தினமும் ஒரு திருக்கோலத்தில் இரவு 9 மணிக்கு அம்மன் எழுந்தருளி, பக்தர்களுக்கு அருள்வழங்குகிறார்.

சூரனை  வதம் செய்யும் சூரசம்காரம்

10–ம் திருநாளான வருகிற 30–ந்தேதி (சனிக்கிழமை) நள்ளிரவு 12 மணிக்கு சிறப்பு பூஜையுடன் அன்னை முத்தாரம்மன் சிம்ம வாகனத்தில் எழுந்தருளி கடற்கரைக்கு செல்வார். அங்கு மகிசாசூரனை சம்காரம் செய்யும் நிகழ்ச்சி நடைபெறும். இந்த நிகழ்ச்சியை காண அன்று காலை முதல் இரவு விடிய விடிய பல லட்சம் பக்தர்கள் கடற்கரையில் திரள்வார்கள். விடிய விடிய குலசேகரன்பட்டினத்தில் 500–க்கும் மேற்பட்ட தசரா குழுவினர்கள் ஆங்காங்கே கலை நிகழ்ச்சி நடத்துவார்கள். திரும்பும் திசைகளில் எல்லாம் வேடம் அணிந்த பக்தர்களாகவே தெரிவார்கள்.

இந்த நிகழ்ச்சிக்கான ஏற்பாடுகளை மாவட்ட அறநிலையத்துறை உதவி ஆணையாளரும் கோவில் தக்காருமான ரோஜாலிசுமதா, இணை ஆணையர் பரஞ்ஜோதி, செயல் அலுவலர் ராமசுப்பிரமணியன், கோவில் ஆய்வாளர் பகவதி மற்றும் கோவில் ஊழியர்கள் செய்து வருகின்றனர்
.                  அனைவரும் அன்னை ஸ்ரீ முத்தாரம்மன் அருள் பெறுக 

குலசேகரன்பட்டினம் முத்தாரம்மன் கோவில் தசரா 2016 போட்டோஸ்

குலசேகரன்பட்டினம் முத்தாரம்மன் கோவில் சூரசம்ஹாரம்

குலசேகரன்பட்டினம் முத்தாரம்மன் கோவில் தசரா திருவிழாவில் 10-10-2016  (திங்கட்கிழமை) அன்று  இரவில் சூரசம்ஹாரம் நடந்தது .சூரனை  வதம் செய்யும்  காட்சியை  பக்தர்கள்  கண்டு  அம்மனை  தரிசித்தனர் .ஓம் காளி  ஜெய்  காளி  என  கோஷம்  எழுப்பினர் 

அதன் பின்  11–ம் திருநாளான மறுநாள் (செவ்வாய்க்கிழமை) அதிகாலை 1 மணிக்கு சூரசம்ஹாரம் முடிந்தவுடன் கடற்கரை மேடைக்கு அம்மன் எழுந்தருளி, அபிஷேக ஆராதனைகள் நடந்தது . 2 மணிக்கு அம்மன் சிதம்பரேசுவரர் கோவிலுக்கு எழுந்தருளி, அபிஷேக ஆராதனைகள் நடந்தது . 3 மணிக்கு சிதம்பரேசுவரர் கோவில் அபிஷேக மேடையில் அபிஷேக ஆராதனைகள் முடிந்து, அம்மன் திருத்தேரில் பவனி வருகிறார்.

அதிகாலை 5 மணிக்கு சவுந்திரபாண்டிய நாடார்– தங்ககனி அம்மாள் கலையரங்கத்தில் அம்மன் எழுந்தருளி, அபிஷேக ஆராதனைகள் நடந்தது . காலை 6 மணிக்கு பூஞ்சப்பரத்தில் அம்பிகை திருவீதி உலா புறப்பாடு  நடந்தது   . மதியம் 12 மணிக்கு பக்தர்களுக்கு அன்னதானம் வழங்கப்பட்டது . மாலை6.00 மணிக்கு அம்மன் பூஞ்சப்பரம் திருக்கோவில் வந்தது . மாலை 6.10 மணிக்கு காப்பு களைதல், இரவு 12 மணிக்கு சேர்க்கை அபிஷேகம் நடந்தது  

12–ம் திருநாளான 12–ந்தேதி (புதன்கிழமை) காலையில் அபிஷேக ஆராதனைகள் நடந்தது . மதியம் 12 மணிக்கு சிறப்பு பாலாபிஷேகத்துடன் திருவிழா நிறைவு பெற்றது .